Gindakop it mga kapulisan ro sangka eaeaki ag babaye sa sueod it sangka sementeryo iya sa banwa it Kalibo kahapon it kaaganhun.
Sa report, samtang naga roving ro mga kapulisan bandang alas 3 kahapon it kaaganhun, may napan uhan segun sanda nga nagahayag sa sueod it sementeryo ngani ginbalikan nanda raya.
Pagsueod nanda sa sementeryo hay naabutan nanda ro 22 anyos nga eaeaki nga nagasuksok it anang saewae ag igto man ro sangka babaye.
Gindaea ro daywa sa police station para mag eksplikar ag suno sa baye hay nagkita sanda it eaki sa bar ag ginsampit imaw kara nga magguwa kabaylo it P1,500.
Bangud hilong ro eaki hay ginpakamayad anay nga ikustodiya raya sa police station ag ku ulihe hay ginpaguwa man ag gin-release pati ro anang motorsiklo. // ANN DESLENE SALAZAR
