Ro plano nga pagpatindog it Panay railway system sa rehiyon hay ro pagrelocate man sa masobra 5,000 nga mga panimaeay nga ginpatindog sa mga properties it Panay Railways, Inc. (PRI)
Base sa PRI, may 5,061 legal lessees sanda sa presente.
Maliban pa dikara, pwede pa nga magtaas ro numero bangud base sa datos may masobra sa 2,000 squatter houses ro nakatindog sa properties it PRI.
Ro andang relokasyon hay kinahang-ean eun maisakatuparan agud ma-construct ro nasambitan nga railway.
Ginsigurado man it PRI nga may mga relocation site para sa anda./JIL B. LACSON
