Masobra 30K indibidwal sa probinsya it Aklan, nakabaton it 1st dose it COVID-19 vaccine

KALIBO, AKLAN—Nagaabot sa 30,766 indibidwal ukon katumbas it 7.71% maghalin sa 398,877 masterlisted individuals sa idaeom it group A1 hasta A5 sa probinsya it Aklan do nakabaton eon it andang 1^st dose it AstraZeneca ag Sinovac vaccines.

As of July 4,2021, may una paeang nga 2.82% ukon 11,260 indibidwal do fully vaccinated kung siin para sa mga A1 (health care worker’s/ front liners) kabilugan nga 11,357 maghalin sa 13,879 masterlisted do nabakunahan it 1^st dose ag do mga nakabaton man it 2^nd dose hay 8,562 ukon 61.69% it eligible group.

Kabilugan nga 16,094 mang mga senior citizens edad 60 anyos pataas do nabakuhan it 1^st dose ag 2,695 do nakabaton it second dose it vaccine.

Sa A3 hay 3,315 do nabakuhan it 1^st dose samtang tatlo pa eang maghalin sa 39,888 masterlisted do nakabaton it andang second dose.

Samtang, nagaabot sa 13,454 individuals sa A4 ukon frontline personnel sa essential sectors do nailista it Aklan ag 51,856 individuals man sa A5 ukon indigent population apang do vaccination program hay owa pa nagaumpisa para sa nasambit ng daywang priority groups.

Sa pihak nga parte, ginpahayag it Provincial Health Office-Aklan nga do probinsya hay preparado sa pagbaton it Pfizer-BioNTech vaccine nga nagakinahangean it ultra-cold chain storage. // SHERRY ANNE REUNIR-VIDAL

BNFM Kalibo