KALIBO, AKLAN—Umapela sa tanan nga mga alkalde si Aklan Governor Florencio Miraflores sa ginpatigayon nga meeting it Provincial IATF nga mas pabaskugon do andang COVID-19 response bago pa uman i-butang it National IATF do bilog nga probinsya it Aklan sa idaeom it Modified Enhance Community Quarantine (MECQ).
Base sa pinakahuling report it Aklan Provincial Epidemiology and Surveillance Unit (PESU), do probinsiya hay padayon nga nakakalista it mataas nga kaso it deadly virus nga nagbutang sa Aklan sa idaeom it high risk classification.
Do banwa it Buruanga hay una sa critical level base sa sa 2-week growth rate, high risk areas do mga banwa it Banga, Kalibo, Malinao, Nabas, New Washington ag Tangalan.
Sa moderate risk man do Altavas, Balete, Ibajay, Lezo, Makato, Malay ag Numancia samtang low risk areas do Batan, Libacao ag Madalag.
Kaangot kara, ginkasugtanan sa nasambit nga pueong nga agud mas pang mapabaskog do local protocols, do PIATF hay ginapanan-aw do pagpaguwa it uniform ordinance para sa tanan ng LGU’s nga insigida nga pagapamultahon do mga maga-eapas sa minimum public health standards kapareho it owa pagsuksok it facemask, owa pagsunod sa social distancing ag sa curfew hours. // SHERRY ANNE REUNIR-VIDAL
