Sa pihak it mga concern sa sektor it lokal nga turismo, kaparehu it mga regulasyon, mataas nga buhis ag kompetisyon halin sa iba pang destinasyon sa Pilipinas, ginaeauman gihapon nga maabot it isla it Boracay ro masobra 2 milyong turista makarun nga dag on.
Suno kay Mr. Felix Delos Santos, Malay Tourism Officer, ginaeauman eon nanda ro pagtaas it numero it mga turista bangud sa holiday season.
Base sa datus, umpisa January 1 to December 19, 2023, nag abot eon sa 2.036 million ro tourist arrivals sa isla.
Kaabuan sa mga raya hay halin sa ibang lugar sa nasyun ag sangkiri eamang ro foreign tourists.
Nanguna sa listahan it mga foreign tourist sa Boracay makarun nga dag on hay ro East Asians kaparehu it South Koreans, Japanese, ag halin sa mainland China, Hongkong, ag Taiwan. // ANN DESLENE SALAZAR
