Nag abot sa masobra sang milyong turista ro nailistang bumisita sa isla it Boracay sa sueod eamang it an-um nga buean makarung dag on 2023.
Base sa Malay Tourism Office, halin it January to June 15, 2023, nailista nanda ro 1,040,847 foreign ag local tourists.
Klaro segun raya nga indikasyon nga ro mga domestic tourists hay nagapanguna sa mga listahan nga ginasundan it mga South Koreans.
Base sa comparative statistics report, ro Boracay ku buean it Enero hay naglista it pinakamataas nga numero it turista makarung 2023 kumpara ku nagtaliwan nga dag on.
Kan-o eamang hay nagpahayag si Malay Mayor Floribar Bautista nga target nanda ro indi magnaba sa daywang milyong turista makarun nga dag on. // ANN DESLENE SALAZAR
