LEGAZPI CITY – Pormal nang pigdeklarar kan Department of Tourism (DOT) Bicol an probinsya nin Masbate komo Art Capital kan rehiyon.
Sa intrevista kan Brigada News FM Legazpi kay DOT Bicol Regional Director Herbie Aguas sa isinagibong opening ceremony kan Obra Masbateño: Arts Festival 2024 sa Provincial Capitol Grounds, manlain-laing form of arts an pinagsasagibo sa probinsyang ini siring kan pagpintura, pagbayle, pagkanta, pagluto asin kadakol pang iba.
Dugang pa kaini, ibinugtak naman sa kalendaryo kan National Commission for Culture and the Arts (NCCA) na kada Pebrero, masagibo nin arts an nasambit na probinsya.
Segun pa kay Aguas, saro sa nagin basehan tanganing ideklarar an probinsya komo art capital iyo an saindang pinaggigibo taon-taon, kun saen manlain-lain na istilo an ginigibo sa bulan nin Pebrero.
Sinabi pa ni Aguas, piglalaoman na makalihis iproklamar komo art capital an Masbate, ma-level up an probinsya sa mga masunod pang aktibidad asin taon.
