LEGAZPI CITY – Mamamatean na kan mga Bicolanong pasyente an mga itataong bagong benepisyo asin mas pinahiwas na mga programa kan Philhealth.
Ini an sinabi ni Philhealth Bicol Regional Vice President Alberto Manduriao sa Kapihan sa Albay, kun sain an bagong 5% premium contribution rate igwang mga dugang asin pinarahay na benepisyo, kabale digdi an PHP16,000 na outpatient mental health benefits package asin dugang na 156 hemodialysis session hale sa uminaging 90 session kada taon.
Dugang pa digdi, magkakaigwa nin paglangkaw sa presyo nin Philhealth Konsulta Package o an pinahiwas na out-patient primary care benefits kun saen kabale digdi an paenot na konsultasyon, health screening, piling laboratory service asin iba pa.
Sinabi pa niya, ini nganing masiyerto na piggagamit asin nakakaresibe nin benepisyo an pasyente sa paagi kan pagbayad kan ahensya.
