LEGAZPI CITY – Kinumpirmar kan Albay Public Safety and Emergency Management Office (APSEMO) na igwa na ki mga abilableng lote na paglilipatan kan mga pamilyang ire-relocate hale sa 6 kilometer radius kan Bulkang Mayon.
Sa intrevista kan Brigada News FM Legazpi kay APSEMO Chief Dr. Cedric Daep, sinabi kaini na housing na sana an kaipuhan, kaya prayoridad ninda ining ipresentar sa Donor’s Forum para sa national asin international support, nganing preparado an probinsya.
Segun kay Daep, dakol-dakol kaya na mga pamilya an ire-relocate.
Sinabi pa niya, may mga naenot na sindang pig-relocate na mga pamilya hale sa nagkapirang mga munisipyo na sakop kan 6 kilometer radius alagad nagbabaralik man sana duman, kaya saro su boot ining implikasyon kan kawaran ki ordinansang nagdedeklarar sa radius na ini na magin permanent danger zone komo legal basis.