Asahan na ng air travelers ang mas mataas na pamasahe sa susunod na buwan matapos itaas ng Civil Aeronautics Board (CAB) ang fuel surcharge level sa gitna ng pagsipa ng jet fuel prices.
Sa abiso ng CAB, itinakda ang passenger at cargo fuel surcharge para sa domestic at international flights sa level 7 para sa November 1-3.
Sa ilalim ng Level 7, pumapalo ang fuel surcharge para sa domestic passenger flights mula P219 sa P739 depende sa layo.
Habang sa international passenger flights mula sa Pilipinas, ang fuel surcharge ay naglalaro sa P722.71 hanggang P5,373.69.
Ang fuel surcharge ay optional fee, bukod sa base fare na maaaring ilipat ng airlines sa mga pasahero upang marekober ang gastos nito.
Binabago ng CAB ang fuel surcharges kaugnay ng paggalaw ng jet fuel.
