Kung may mga bagay daw na higit na ikinabahala si Presidential Anti-Organized Crime Commission (PAOCC) Executive Director Undersecretary Gilbert Cruz sa kanilang paggalugad sa POGO hub sa Porac, Pampanga – ito ay ang mga cloning devices.
Ayon kay Cruz, bukod kasi sa mga nadiskubreng bagay na pang-torture, nakakita rin sila ng mga cloning device ng SIM card at pang-text blast sa naturang pasilidad.
Isang halimbawa aniya ng ginagawa rito ay ang loan scam.
Maaari raw kasi na ang mga taong sakop ng five-kilometer radius, ano mang number nito, ay makatatanggap ng text blast at ma-scam.
Mababatid na may na-rescue ang ahensya na apat na torture victims.
Maliban dito, may nakuha rin ang PAOCC na mga boss na posibleng kasamang sa pangto-torture.
Ani Cruz, maghahain sila ng kaso laban sa mga sangkot sa pagpapatakbo sa POGO.
