Base sa pahayag ni Director Alex Tablate it Philippine Drug Enforcement Agency (PDEA) sa Region 6, nagapanguna nga ginatuyo nanda ro makita ag mapreso ro mga high-value targets (HVT) it rehiyon. Mas pabaskugon nanda ro andang mga operasyon sa paglimpyo it droga sa mga barangay sa Western Visayas.
Kaibahan sa listahan ro No.1 drug personnel sa buong rehiyon nga si Ernesto Bolivar. Kamana man, base sa pinakaurihi nga record halin sa Regional Intelligence Division (RID) it Police Regional Office 6 (PRO-6), nakapaeagyo segun si Bolivar sa rehiyon.
Base man sa record it pulisya ro grupo ni Bolivar hay nauna eun nga nadismantle matapos ro pag-aresto sa mga downline it grupo.
Sa pagitan it Enero ag Hulyo it rayang dag-on, 165 nga mga HVT ro naaresto sa mga operasyon kuntra sa iligal droga.
Pagatutukan man it PDEA ro pagtapna it iligal nga droga sa katung-anan it pagpanalasa it coronavirus pandemic.
Sa pinakaulihi nga rekord it PDEA, halin sa 4,051 kabilugan nga mga barangay sa Western Visayas, 3,393 o 83.75% eun ro malimpyo sa iligal nga droga.
Ginaeauman it ahensiya nga malimpyo nanda ro nabilin nga 16% makarang dag-on./JIL B. LACSON
