GIMANDU na sa labaw sa kapulisan sa rehiyon-12 sa mga hepe sa presinto nga ipakatag ang mga personahe sa mga kadalanan aron likayan ang bangga ug makatabang sa pagluag sa dagan sa trapiko.
Nagtuo si Brig. Gen. Percival Augustus Placer, director sa Police Regional Office (PRO)12 dako og matabang sa pagluag sa trapik ug pagpakonhud sa kriminalidad ang pagpakatag og mga pulis sa mga kadalanan. Sa bahin usab ni Police Col. Nicomedes Olaivar Jr., director sa GenSan City Police Office (GSCPO) gi-maximize na nila ang e-deployment sa mga personahe sa nagkadaiyang bahin sa siyudad.
Asa naa sa 75 hangtud 85 porsyento sa mga personahe sa GSCPO ang gipakatag na niini sa mga kadalanan. Kini ang gihimo nga lakang sa kapulisan aron makonhuran ang kriminalidad nga gakahitabo sa rehiyon. Sa GenSan karong tuiga, natala ang mga gitawag nga street crimes, sama sa pagpangawat ug pagpanulis. I Richel Gubalani