PAGPANGILAD ‘online’ ang subling nag-unang reklamo ang naabot sa mga buhatan sa Regional Cybercrime Unit (RACU) sa rehiyon-12.
Matud ni Police Executive Master Sergeant (PEMS) Edwin Arroyo, chief investigator sa RACU-12 sagad sa modus sa online scam. Mao ang saad nga trabaho nga dunay dako nga sweldo apan dihang nakapadala na og salapi isip bayad sa pagproseso sa dokumento sa pagpangemplyo, didto na masuta nga sila ang nailad sa ka-chat.
Dugang ni Arroyo, human nga nakapadala og salapi ang biktima gilayon kining ginablock sa mga mangingilad sa social media.
Gawas niini, padayong natala sa RACU-12 ang mga extortion gamit ang social media ug uban pang paagi sa pagpangilad online.
Apan giklaro ni Arroyo nga tandi nakalabay’ng tuig, miubos ang ilang narekord nga ihap sa online scam sa unang tulo ka bulan sa tuig. I Richel Gubalani
