LEGAZPI CITY – Gagamit ng mas makabagong teknolohiya ang Albay Disaster Risk Reduction and Management (DRRM) Operation Center para sa disaster response sa lalawigan.
Ayon kay Albay Public Safety and Emergency Management Office (APSEMO) head Dr. Cedric Daep, inaasahan na makakapag-cater ito ng ng mas malawak na populasyon dahil ang mismong pasilidad ay gagamit ng state-of-the-art technology.
Ayon pa kay Daep, nagpakita ng interes ang Office of the Civil Defense na gawing central command center ang pasilidad dahil mayroon na umano itong visual materials kung saan kahit ang impormasyon pagdating sa bagyo, tracking, mga aktwal na sitwasyon ng lindol, at epicenter, ay makikita na dahil sa state-of-the art equipment.