LEGAZPI CITY – Planong mag-expand ng aabot sa higit 100 bed-capacity sa mga sumunod na taon ang bagong Albay Provincial Drug Rehabilitation and Treatment Facility.
Ayon kay Chief-of-Hospital, Dr. Randie Asuncion, layunin nitong matugunan ang mas maraming pasyente gayundin ang posibleng pagdagsa ng mga pasyente sa lalawigan.
Binigyang-diin rin niya ang pangangailangan ng development training para sa facility’s licensing sa paglilipat ng mga Persons Who Used Drugs (PWUDs).
Sinabi pa ng opisyal na mayroon na umanong nakaline-up na mga trainings at detoxification program ang kanilang opisina para sa pagpapaunlad pa ng pasilidad.
