Pormal eon nga ginbuksan it Aklan provincial government pinaagi it Provincial Agriculturist-Fisheries Extension and Regulatory Division ro Marine Multi-Species Marine Fish Nursery Facility sa Brgy. Baybay, Makato, Aklan kahapon, Agosto 17.
Sa ceremonial distribution, kapin sa 40,000 nga mga larvae o semilya it isda ro gintao sa daywa ka mga benepisyaryo halin sa banwa it Nabas ag Makato.
Ro nasambit nga proyekto hay may tinutuyo nga ma-susteniran ro seguridad sa pagkaun sa probinsya, mataw-an it igtaeupangud ro kinhangeanon it mga mangingisda ag para mapabaskug pa ro nagabahoe nga populasyon ag turismo it Aklan. / ANN DESLENE SALAZAR
