Haum eon ro security plan it Iloilo PNP para masiguro ro zero major crime sa pagbukas it klase makarun nga dag-on.
Ku nagtaliwan nga dominggo kat i-release it Iloilo PNP ro andang Implementation Plan (IMPLAN) sa Oplan Balik Eskwela for school year 2022-2023.
Pila sa mga guidelines nga naka-eatag sa IMPLAN hay ro pagtukod it Police Assistance Desks (PADs) sa school campuses sa pakikipagbueoligan sa school authorities, Parents-Teachers Associations, ag security managers.
Magabulig man ro barangay tanods ag support groups para pabaskugon ro traffic management ag emergency response.
Ginpahayag ni Iloilo PNP director, Police Colonel Adrian Acollador, nga paga pabaskugon ro intelligence monitoring para malikawan ro mga kriminal nga mangbiktima it mga indibidwal, partikular eon ro mga estudyante.
Paga eauman nga magiging visible sa mga ginokonsiderang strategic areas ro pilang police personnel nga sa foot and mobile patrol partikular sa mga lugar nga maeapit sa mga school campus, terminal, palengke, ag malls. / ANN DESLENE SALAZAR
