Patuloy ang pagtaas ng lebel ng tubig sa Marikina River dahil sa tuloy-tuloy na pag-ulan dulot ng masamang panahon.
Sa huling update ng Marikina DRRMO, nakataas na sa ikatlong alarma ang ilog at umabot na sa 19 meters ang lebel ng tubig ngayong 11:50am
Dahil dito, nagpatupad na ang lokal na pamahalaan ng forced evacuation sa mga residente na nakatira malapit sa ilog.
Ayon kay Mayor Marcy Teodoro, libo-libong indibwal na ang lumikas sa Malanday Elementary School na isa sa mga evacuation area sa lungsod.
Posible raw na umabot sa 8,000 residente ang lumikas o higit pa dahil sa pagtaas ng tubig sa Marikina River.
Nanawagan naman ng tulong ang alkalde sa publiko para sa pangunahing pangagailangan ng mga apektadong residente.
