Nilinaw ni Pangulong Bongbong Marcos na tuloy-tuloy pa rin ang gobyerno sa pagpapatupad ng Maharlika Investment Fund.
Kasunod ito ng mga lumabas na balitang ipinahihinto na raw ang implementasyon nito.
Sa departure speech ng Pangulo kaninang umaga bago tumulak sa Riyadh Saudi Arabia, sinabi nitong nabahala sya sa mga lumabas na balita.
Ayon sa Pangulo hindi ipinatitigil, kundi inaayos lang ang organizational structure ng Maharlika fund.
Committed pa rin anya ang pamahalaan na maging operational ang MIF bago matapos ang taon.
Nabatid na kabilang ang Maharlika Investment Fund sa mga tatalakayin ni Pangulong Marcos sa bilateral meeting nito sa ilang sa business leader sa Saudi.
