Inihayag ni Pangulong Ferdinand “Bongbong” Marcos Jr. na ang mga “knowledgeable consumers” ang pinakamahusay na depensa ng bansa laban sa mga online scammers.
Kaugnay nito, tiniyak ni Marcos sa publiko na ang “full force of the law” ay ipapataw sa mga sangkot sa naturang scam.
Inabisuhan ng pangulo ang mga Pilipino na maging maingat sa mga text messages at email na kanilang natatanggap.
Iginiit din nito na ang SIM Registration Act ay isa nang “big forward,” dahil makakayanan nito ma-deactivate ang SIM card na ginagamit sa ilegal na gawain.
Sa huli, binigyang-diin ni Marcos ang kahalagahan ng pagiging maingat sa paggamit ng mga teknolohiya, at mga bagong paraan upang makaiwas ang mga Pilipino sa scam. //YMB, edited MHEL PACIA
