Nagapabilin sa karon sa kostudiya sang Maritime Police Station matapos nadakpan ang akusado nga ginapahayag suspek sa pagtaban sang Bra kag Panty sa barangay Culasi, Roxas City.
Ginkilala ang nadakpan kay Armando Navales Villar, kag temporaryo nga nagapuyo sa nasambit nga barangay.
Ginapahayag, nga nauna na nga ginreport si Villar nga responsible sa pagtaban sang pila ka mga nagkaladula nga bra kag panty sa ila lugar.
Sa masunod naman nga adlaw, ginreklamo naman ini nga nagadala sang armas-luthang kabangdanan nga naaresto ang suspek kag nakuha sa iya posisyon ang isa ka unit sang caliber 38 revolver kag may duha ka bala.
Narekober man sa bag sang akusado ang pila ka mga bra kag panty nga ginapatihan gintaban sini sa mga hinalay sa ila lugar.
Mangapangatubang sa kaso nga paglapas sa RA 10591 ukon Comprehensive Firearms and Ammunition Regulation Act ang suspetsado.
