LEGAZPI CITY – Nagtao nin mga regalo an Camalig Municipal Social Welfare and Development Office (MSWDO) sa manlaen-laeng sectoral groups sa banwaan.
Isinagibo ini makalihis an accomplishment reports sa tahaw kan year-end evaluation of programs kun sain an mga partisipantes iyo an Violence Against Women (VAW) Desk Persons, Solo Parents, Kalipunan ng Liping Pilipina (KALIPI), Persons with Disability (PWD), Community-Based Rehabilitation Workers (CBRWs), asin Child Development Workers (CDWs).
Kasabay kaini, naresibe na man kan CDWs asin teacher aides an saindang honorarium na nagkakantidad P2,000.
Tinawan nin pagbisto ni Mayor Caloy Baldo an mga nagpartisipar sa aktibidad huli sa daing kapagalang serbisyo na saindang ipinahiling sa likod kan mga problemang kinahampang.
