Naglabas ng mapa ang Philippine Space Agency na nagpapakita ng lawak ng posibleng oil spill sa Manila Bay kasunod ng paglubog ng isang tanker sa Bataan na may dalang milyun-milyong litro ng langis.
Maaaring umabot ang posibleng oil spill sa area na humigit-kumulang 14.4 square kilometers.
Nilinaw naman ng ahensya na sumasailalim pa rin sa field validation ang kanilang mapa.
Inatasan na ng Department of Transportation (DOTr) ang Philippine Coast Guard (PCG) at Maritime Industry Authority (Marina) na magsagawa ng joint investigation sa paglubog ng MT Terra Nova, na may dala ng mahigit 1.4 milyong litro ng industrial fuel oil.
Babala ng PCG, maaring ito na ang pinakamalaking oil spill sa kasaysayan ng Pilipinas.
