Patay ang isa ka mangunguma matapos ginluthang sang wala pa matumod nga suspetsado sa Sitio Agpipili, Brgy. San Nicolas, Tapaz, Capiz.
Ginkilala ang biktima kay Ruperto Morales Escala, 49-anyos, residente sang nasambit nga lugar.
Sandig sa imbestigasyon sang Tapaz Municipal Police Station, samtang magapauli kuntani ang biktima sa ila puluy-an takna 8:45 sang gab-i sang Sabado, gintambangan ini sang suspek kag ginluthang sang indi matumod nga armas luthang.
Bangud sini, nag-angkon sang pilas sa dughan ang biktima kag madasig nga ginpadangat sa Tapaz District Hospital apang ini ang gindeklarar sang doktor nga dead on arrival.
Sa karon, padayon pa ang hot pursuit operation kag imbestigasyon sang kapulisan sa pagkakilalan sang suspek agud matumod kun ano ang motibo sa pagpangluthang. | Judy Ann Juare
