Patay ang isa ka mangunguma matapos nalumos sa suba sang Barangay Tumalalud, Mambusao, Capiz.
Ginkilala ang biktima kay Romeo Llano Lago, 68-anyos, residente sang nasambit nga lugar.
Sandig sa impormasyon nagikan kay PSSg Ronelo Distarro sang Mambusao Municipal Police Station, nagtabuk sa suba ang biktima agud kuhaon kuntani ang iya hinuptanan nga karabaw, apang hinali nalang ini nga nadulaan sang alinto kag ginapahayag nahulog sa tubig.
Nasapwan nalang ni Rodrigo Lamerez si Lago nga nagalutaw-lutaw sa suba. Madasig pa nga ginpadangat sa ospital ang biktima apang gindeklarar ini nga dead on arrival. | Judy Ann Juare
