Patay ang isa ka mangunguma matapos ginluthang sang wala matumod nga suspetsado sa Sitio Pari, Brgy. Dulangan, Pilar, Capiz takna alas 8:00 kahapon sang aga, Mayo 9.
Ginkilala ang napatay kay Joseph Binasahan, 52-anyos, residente sang nasambit nga lugar. Nahibaluan nga nasapwan na lamang sang isa ka residente ang biktima nga nagahigda sa hilamunan malapit sa karsada kag may yara sang pilas sa ulo kag tiyan nga igo sang armas-luthang.
Gindala pa sa ospital ang biktima apang gindeklarar sang doktor nga dead on arrival. Narekober sa lugar ang duha ka empty shell sang .45 caliber revolver. Imbestigasyon sang kapulisan nagapadayon. | Judy Ann Juare
