Arestado ang isa ka mangunguma matapos nakuhaan sang armas-luthang sang ini ang gin-implementaran sang search warrant sa Barangay Tuburan, Maayon, Capiz.
Sandig sa Maayon Municipal Police Station, ginkilala ang naaresto kay Noel Icayan.
Nakuha sa paghinakop ni Icayan ang isa ka unit sang 38 caliber nga armas-luthang nga loaded sang tatlo ka mga bala.
Ang nasambit nga search warrant ang gin-isyu kag ginpirmahan ni Executive Judge Esperanza Isabel Poco-Deslate, sang RTC, Branch 19, Roxas City nga ginpetsahan sang Hunyo 27, 2023.
Magapangatubang sang kaso nga paglapas sa Republic Act 10591 ukon Comprehensive Firearms and Ammuniction Regulation act ang amo nga suspetsado. | Judy Ann Juare
