MAS bug-at nga silot ang ipahamtang sa opisyal sa LGU-GenSan empleyado nga mapatud-ang nangilkil sa namaligya og isda sa palengke.
Matud ni Atty. Franklin Gacal Jr., city administrator, ugaling dunay makaabot kanila nga reklamo sa vendor kalabut niini. Dili magduha-duha ang nasangpit nga tangtangon sa pwesto ang trabahante sa LGU nga malambigit niini.
Sa karon, giimbestigahan sa buhatan ni Gacal Jr. ang pagsinumbahay sa Job Order ug market supervisor kalabut sa isyu sa pagpangayo og isda. Ibalhin na lang usab sa opisyal sa ubang opisina ang kanila kanila aron malikayan ang susamang hitabo. \
Nabisto ang isyu dihang giisyuhan og tiket nilang market administrator Lito Esclamado ang usa ka striker nga fish vendor nga gagamit og dayaan nga timbangan. I Richel Gubalani
