Nakahunong ang magulang nga si alyas ‘Dimas’, 64-anyos sa karsel sang Cuartero Municipal Police Station matapos nga ginlabo ang iya manghud nga si alyas ‘Rizal’, 52-anyos takna alas 5:45 sang hapon, sa Brgy. Bun-od, banwa sang Caurtero sang Hulyo 18.
Base sa inisyal nga imbestigasyon sang kapulisan, naga-inom sang makahulubog nga ilimnon ang mag-utod sa balay sang ila nga amay sang hinali nalang nagluntad ang pagbinaisay kag madasig nga nagkuha sang sanduko si Dimas kag ginlabo si Rizal nga naigo sa porsyon sang iya dughan.
Bangud sini, gilayon nga ginpadangat sang Cuartero Emergency Response Unit ang manghod sa Dao District Hospital para sa nagakaigo nga pagbulong. Samtang si alyas ‘Dimas’ boluntaryo nga nagsungka sa mga otoridad kalakip na ang sanduko nga gingamit.
