Maubot sa 500 ka individual ang nasikop sa gipahigayong raid sa kapolisan sa Mangdangwa Balingasag Misamis Oriental Cockpit Arena kagahapon.
Kini human wala matud pa nakasunod sa gipatuman nga gabayan sa Inter Agency Task Force covid-19 health protocol ang maong sabungan.
Matud ni Provincial Special Operation Group PLTCOL Jolito Caseries, kinsa leader sa maong operasyon, nga duha ka higayon na nilang gibisitahan niadtong Marso 13 ug Marso 20 ang maong bulangan ug gipahibalo ang tag-iya niini ug manager nga adunay kalapasan sa gipatumang health Protocol ang maong bulangan apan nagmagani kini.
Gibutyag ni Caseries ayha pa niini gi-serve ang kamanduan adunay na sila personahe nga mikuha og videos ang photos sulod sa arena ug nasuta nga adunay kini kalapasan ang nasampit nga bulangan.
Samtang gipa ilalom usab sa Onsite inquest proceeding agig hangyo ni PLCOL Raniel Valones sa Provincial prosecutor ang mga nadakpan tungod sa kadaghan niini.
Dugtong niini gibutyag usab sa manager sa maong arena nga si Manolito “Loloy” Sulde, una na silang gianhaan sa kapolisan og ipaundang ang operasyon apan mi-react sila tungod kay ang ubang bulangan wala kini gipaundang.
Hangyo usab ni Sulde sa mga otoridad nga sila nalang ang paylan sa kaso ug dili ilakip ang mga tawo tungod wala matud pa kini labot.
Kahibaloang ubos sa gipatuman nga balaud sa IATF sa mga bulangan nga ginadili pag-masyada o pagsinggit singgit sa sulod sa bulangan, kinahanglan usab adunay Cash biting machine sulod sa sabungan ug No physical exchange money after winning.
Gawas niini kinahanglan usab nga fully vaccinated ang makasulod sa arena ug ipatuman ang social distancing.
