Gihupay sa militar ang kabalaka sa katawhan kalabot sa posibling spillover sa engkwentro nga nahitabo tali sa New People’s Army ug 1st Special Forces Battalion Philippine Army sa hinterland area sa Barangay Tignapololoan ning syudad sa Cagayan de Oro sa nakalabay nga semana.
Sumala ni 4th Infantry Division Philippine Army Spokesperson Major Francisco Garello Jr. nga ang nahitabo nga engkwentro resulta sa gilusad nga focused military operation sa militar homan nasab sila nakadawat sa impormasyon nga adunay presensya sa rebeldeng grupo sa maong lugar.
Ang mga NPA matud pa nga anaa sa maong lugar gi-ingong mga rebelde nga galihok sa boundary sa Iligan, Misamis Oriental ug Bukidnon.
Dugang ni Major Garello nga istilo karon sa NPA ang paghimo og temporary hide-out sa tri-boundaries homan nasab nga walay puas ang paglakag kanila sa militar nga maoy resulta nga gahuyang ang pwersa sa mga walhon.
Subay niini, gipaniguro sa militar nga dungan sa pagpadayon sa ilang operasyon, walay maduhig nga sibilyan ug sigurohon nila ang seguridad sa tagsa-tagsa nila ka mga area of responsibility.
