Dismayado si House Committee on Transportation chair Rep. Romeo Acop sa Department of Transportation (DOTr) dahil kailangan pa raw mangialam ng Kongreso para maresolba ang mga issue sa Public Utility Vehicle Modernization Program (PUVMP).
Sa pagpapatuloy ng pagdinig ng naturang komite, tinira ni Acop si Transportation Secretary Jaime Bautista dahil sa kawalan umano nito ng tiyak na estratehiya sa PUVMP.
Sa kasalukuyan kasi, may 10% progress lang sa gradual route optimization strategy ng ahensya.
Nanawagan ang mambabatas sa mga otoridad na unahin ang route rationalization upang malaman ang bilang ng mga sasakyang tatakbo para kumita.
Sa huli. sinabi ni Acop na ‘sick and tired’ na siya sa nagiging pagtugon ng DOTr sa kinahaharap na problema ng PUVMP.
