LEGAZPI CITY – Pigtutukan kan Diocese of Legazpi sa paagi nin Social Action Center an mga malnourished na kaakian sa probinsya kan Albay.
Segun kay SAC Focal Person Nancy Dizon, sainda nang pinunan an meals on wheels program na sarong feeding activity kun sain enot na ining ikinondusir partikularmente sa banwaan kan Guinobatan asin malibot-libot pa sa mga tios na lugar sa probinsya.
Mientrastanto, parte ini kan saindang six-month supplemental feeding program na may obhetong mapamarhay an salud kan mga kaakian na haloy nang problema sa komunidad.