GIDAYEG sa Office of the Presidential Assistant for Eastern Mindanao ang mga local government units ug ilang chief executives sa nakab-ot nga kalinaw sa Davao Region.
Kini ang pahayag ni OPAMINE head Sec. Leo Tereso Magno atol sa kaablihan sa Peace Village.
Dugang pa ni Magno nga ang Rehiyon sa Davao nagpakita lamang sa ubang bahin sa nasud paunsa batukan ang insurhensiya uban ang kalinaw ug kalambuan.
Miduyog si Magno sa kaabrihan sa Peace Village, usa ka eksibit sa kalinaw ug kalamboan sa Davao Region uban ni Bise Presidente Sara Z. Duterte nga maoy nanguna sa ribbon cutting.
Ang Peace Village simbolo sa gisaad sa gobyerno nga pagpalambo sa kalinaw, panag-uli ug panaghiusa sa rehiyon.
