Maid-id nga pagresponde ag gin tunga it daywang grupo ru mga pulis it Malinao MPS dahil sa shooting incident sa Brgy. Sugnod, Malinao, Aklan.
Sa press conference, gin pahayag ni PLT Gilbert Batiles, Chief of Police it Malinao MPS nga gin panuhan it mayad kun paano maka penetrate dahil sa critical ru lugar.
Sangka tawag sa mobile phone ru nabaton ni Batiles halin kay Brgy. Captain Agustino nga naga pangayo it pagresponde sa mga pulis dahil sa kaguluhan sa lugar.
Sa madasig nga pag responde, nasubeang it mga pulis ru motrosiklo sakay ru biktimang si Judy Fernando, 37 anyos ag ikara naka buoe it initial nga imbistigasyon.
Gina turo it biktima ru suspek nga si Romy “ Nonoy” Agustino, 43 anyos nga bumaril sa dughan ag tuo nga alima.
Agud mapadali ru pag transport sa maeapit nga hospital sa biktima, nagmando si Batiles nga ikarga sa ambulansya ag dumeritso man sa crime scene ru mga pulis.
Nahimo pa nga adtunan it mga pulis ru suspek sa mismong panimaeay apang uwa nagpakita.
Samtang, naga himo it imbistigasyon ru mga pulis sa crime scene, ikara nagpakita eon ru suspek rason nga gin impormahan ag gin basahan it constitutional rights.
Matawhay man nga nagsunod sa mga pulis ru suspek.
Na recover it mga pulis sa mismong panimaeay it suspek ru sangka machine gun nga gin gamit sa krimen nga presenting sa kustodiya eon it Malinao MPS.
Sa makaron, kulong ru suspek sa Malinao MPS samtang sa ICU pa ru biktima.//MARIVIC Y. ILIN
