Kapin sa 100 ka mga unga ro nakabatun it Pamaskwa halin sa Malay Municipal Police Station sa pagpamuno ni PLTCOL DAINIS O AMUGUIS, Acting COP, sa ginpatigayun nanda nga “Pamaskong Handog Para sa Batang Malaynon” ag Manocmanoc Covered Court, Malay, Aklan, ku December 16, 2023.
Mga pagkaun, regalo, mascots ag games ro ginpahaum para sa Malay Child In Conflict with the Law (CICL) Child At Risk (CAR), Ati, ag unga nga Malaynon halin sa indigent families.
Ro pondo para suportahan ro nasambit nga event hay halin sa ginpatigayun nga ‘run for a cause’ nga inorganisa it Municipal Advisory Group for Police Transformation and Development (MAGPTD).
Bukod sa noche buena grocery packs nga may balor nga 1,000 pesos, hay nakabatun man ro mga unga it cash halin kay Malay Mayor Frolibar S Bautista, nga nagtambong bilang Guest of Honor Speaker sa nasambit nga programa. // ANN DESLENE SALAZAR
