Para maghagan-hagan ro grabeng init sa andang beat areas sa isla it Boracay, nagpanupod ro Malay PNP it mga portable fan sa andang mga personnel.
Suno kay Malay PNP Chief PLTCOL Mar Joseph Ravelo, prayoridad nanda ro kapakanan it andang mga uniformed personnel, bukod sa peligro sa pagtuman it andang trabaho, kaeakip eon ro peligro nga tuga it mainit nga temperatura nga may danger level heat index nga 42°C to 51°C.
Matandaan nga nagpaguwa si DILG Chief Benhur Abalos it urgent memorandum sa PNP, BFP ag BJMP, nga mag isyu it advisory sa uniform attire; nga magsuksok it komportableng uniporme samtang naka duty para mabawasan ro bukon it manami nga pamatyag tuga it grabeng init. // ANN DESLENE SALAZAR
