Madinaeag-on nga gin umpisahan it Philippine National Police (PNP) Malay ro 29th National Crime Prevention Week (NCPW) celebration nga may tema makarung dag on nga, “Addressing Crime and Advancing Crime Prevention sa Local, National, at Global Levels,” nga nagatao it balor sa pagtinguha para masiguro ro safety it komunidad.
Gin-insister ni PLTCOL Dainis O Amuguis, OIC it Malay MPS ro kahauman it Malay PNP ag tanan nga law enforcement agencies nga marespondehan ro nagkasari-sari nga krimen.
Gindayaw man nana ro madinaeag on nga simulation drills sa pagbuyot it mga senaryo kaangot sa terorismo.
Samtang, nakapokus man ro atensyon ni Malay Mayor Frolibar Bautista sa importanteng papel it interagency cooperation sa pagprotekta sa isla it Boracay.
Ginpasaeamatan man nana ro pagbueoligan nga malimpyuhan ro Boracay Beach Front, kasunod it pagdagsa it basura bangud sa habagat.
Nagpadayun ro programa sa simbolikong turnover it drone sa PNP Malay ni Mayor Bautista, nga gintaw an it haega ro makabag ong teknolohiya sa pagpatuman it laye. // ANN DESLENE SALAZAR
