Nagpatigayun kaina ro Malay PNP sa pagpamuno ni PLTCOL DON DICKSIE L DE DIOS, Chief of Police pinaagi it Police Community Relation Section it Motorcade ag Kick Off Ceremony it 27th Police Community Relation Month.
Naging guest and honor speaker sa nasambit nga event si Hon. Ralf A Tolosa, Liga it mga Barangay President.
Ro Presidential Proclamation No. 764 nga ginpirmahan ku Enero 24, 2005 hay nagadeklara it buean it Hulyo kada dag-on bilang Police Community Relations Month.
Ro selebrasyon it PCR Month hay may tinutuyo nga maghimo it mas maeapit nga pakikipag-angutan sa tunga it pulisya ag komunidad sa pagbuyot it peace and order concerns.
Ro selebrasyon it PCR month hay nagakaigu nga tiempo agud pabaskugon ro partisipasyon it komunidad sa paglikaw sa krimen.
Makarung dag-on, ro tema hay “Ugnayang Pulisya at Komunidad Tungo sa Mapayapa, Maayos at Maunland na Pamayanan”. / ANN DESLENE SALAZAR
