Plano nga himuon nga atraksyon sa mga turista it Malay LGU ro mga local cuisines it andang banwa sa Boracay.
Ipabugae sa paglunsar it “Bugae it Malay” ro mga pagkaon nga inumoe, pinayukan nga agbaeaw, insiladang eangka, tinumkan, tinuom, pinayukan nga ubod it niyog, inubarang manok ag bayi-bayi.
Ginkumbinse man it gobyerno lokal ro mga restaurants ag hotel sa Isla nga magshowcase it mga native foods sa mga turista.
Bilang selebrasyon man it Tourism Month, magahiwat it tour guiding contest ag quiz bee sa Setyembre 22, samantang may pagahiweaton man nga fire dancing competition, tourism night, coastal ag underwater clean-up drive sa Boracay Island sa Setyembre 23./JIL B. LACSON
