Miyarok og hilo sa ilaga ang isa ka foreigner human wala gipa-remedyo sa Pinay niining asawa diha sa gipuy-ang barangay dinhe sa siyudad sa Butuan sa nakalabay’ng adlaw.
Sa imbestigasyon sa Butuan City Central Police Station, nakit-an na lamang patay ang biktima.
Sa bersyon sa asawa, dunay kasuko ang iyang mister kaniya sanglit kanunay kini manghagad og sex ug permi usab niya kining balibaran.
Wala damha sa asawa nga tungod sa iyang pagbalibad, maghikog ang iyang foreigner nga mister.
Dunay nakit-ang hilo sa ilaga sa dapit dis-a nakit-ang patay ang biktima nga posibleng maoy giinom.
Ang biktima mao si alyas John, 76 anyos, taga – New Zealand samtang ang Pinay niining asawa mao si alyas Mercy, hingkod ang edad, nagpuyo dinhe sa siyudad.
