Nagpasaeamat si Makato Mayor Ramon MON D. Legaspi III sa tanan nga mga taga Makato ag mga bisita sa kooperasyon, suporta ag manami nga performance it mga tribu sa 813th Makato Sr. Sto. Niño Ati-Atihan Festival.
Suno sa alkalde ro manami nga resulta sa selebrasyon it andang Ati-Atihan halin it dominggo hasta makarun nga adlaw it Lunes, January 15, hay pagpakita it debosyon ag pagtuo kay Sto. Niño.
Ginpasaeamatan man kara ro mga nagtamyaw sa anang birthday kapin ro anang pamilya.
Ginpasaeamatan man ni Mayor Legaspi si Cong. Teodorico “Nonong” T. Haresco, Jr. sa pagdugang it P50,000 bilang premyo sa magadaog nga grupo.
Ginhayag ni Mayor Legaspi nga sa masunod nga dag on hay madugangan ro subsidy para sa mga magaintra nga tribu para mas mapanami ro andang mga costumes. // ANN DESLENE SALAZAR
