Isinasapinal na ng Makabayan bloc ang resolusyong magpapatupad ng total ban sa mga POGO sa bansa.
Sa panayam ng Brigada News FM Manila kay Kabataan Party-list Rep. Raoul Manuel, sinabi nitong itatakda pa nila kung kailan ito maipa-file.
Nanindigan ito na ang gagawin nilang hakbang ay naaayon sa kanilang paninidigan noon pa man.
Dati aniya kasi ay nag-‘no’ na rin ang Makabayan coalition sa panukalang batas na magpapatupad ng tax sa POGO – bagay na nagpapakita umano na tila sinasang-ayunan pang manatili sa bansa ang mga POGO.
Umaasa ang mambabatas na matatalakay na rin sa Kamara ang pag-ban sa mga POGO sa bansa.
