LEGAZPI CITY – Magin maigot ngunyan sa pagbabantay an mga personahe kan Legazpi City Police Station sa mga eskwelahan, tinampo asin sa mga matatawong lugar tanganing masiyerto an kaligtasan kan Legazpenyo ngunyan na nagbaralikan na an klase.
Segun kay Legazpi CPS Acting Chief of Police PLt. Col. Ray Anthony Villanueva, naglatag sinda nin kadakol na mga pulis sa mga lugar susog sa kasuguan kan higher headquarters kan PNP na dapat salbado asin protektado an mga estudyante.
Apwera pa kaini, nagbugtak naman nin Police Assistance Desks sa kada eskwelahan para sa mga nangangaipuhan nin tabang o asistensya asin mga impormasyon sa eskwelahan. Apwera kaini, masagibo man nin roving patrol asin informative flyers an pulisya manungod sa safety tips para sa mga estudyante asin magurang.
