LEGAZPI CITY – May pangapodan an Legazpi City Police Station (CPS) sa gabos na mga personang nagbalgar sa anuman na batas asin presente ngonian na nagdulag o nagtatago.
Segun kay Legazpi CPS Chief of Police, PLTCOL Rey Anthony Villanueva, mas marhay subuot na magsuko na sainda o sa mga awtoridad an siisay man na naggigibo o nakagibo nin krimen. Saiya pang sinabi na pig-aabot subuot nin taon bago ninda madakop an ibang mga kriminal dahil sa nagdudurulag ini sa mga hararayong lugar.
Ini subuot dahil handa man an saindang hepatura na magtabang para makapagbago nin buhay an mga ini. Pagirumdom kan opisyal sa mga may standing warrant of arrest sa siyudad na magsuko na asin dai na magdurulag pa.
