LEGAZPI CITY – Tinatayang mahigit PHP3.5M halaga na uncertified products sa Bicol Region ang nakumpiska ng Department of Trade and Industry (DTI) sa loob ng anim na buwan simula Enero hanggang Hunyo 2023.
Sa isang panayam kay DTI Bicol Regional Spokesperson Jocelyn Berango, 43 mula sa 103 na establishment ang mayroong notice of violation matapos ma-monitor ang mga paglabag sa safety at quality policy.
Sa datos ng ahensya, ang Masbate ay may tatlo; Catanduanes ay siyam; Camarines Sur, ang Camarines Norte at Albay ay mayroong pito at Sorsogon ay may 10.
Napag-alamang ang mga kumpanyang ito ay nagbebenta ng mga hindi sertipikadong produkto, walang marka o sticker ng Product Standard (PS) at Imported Commodity Clearance (ICC), o lumalabag sa Republic Act (RA) 4109 o ang Product Standards Law.
Aniya, ang pag-iinspeksyon ay bahagi ng programa ng DTI upang matiyak ang kaligtasan at kagalingan ng mga mamimili sa mga tuntunin ng pagbili ng mga produkto.
Kasama sa mga produktong ininspeksyon ang electric wires, extension cords, socket outlet, switch, at marami pang iba.
Pinayuhan ni Berango ang publiko na magkaroon ng diskriminasyon sa pagbili ng mga kalakal at mga bilihin upang makuha ang pinakamahusay na halaga para sa kanilang pera.
