Tumanggap ng tig limang libong piso ang abot sa 557 na mga mahihirap na graduating student sa probinsya ng Maguindanao del Sur.
Ito ay sa inisyatiba ni Maguindanao del Sur Congressman Datu Mohamad Tong Paglas.
Isinagawa ang pamamahagi sa municipal gym ng bayan ng Datu Paglas kahapon ng umaga katuwang ang DSWD-12.
Sinabi ni Congressman Paglas na ang nasabing mga estudyante ay kasalukuyang nag-aaral sa MSU Maguindanao campus, SKUC Tacurong City, USM Kabacan, at CFCST Arakan.
