Lubog pa rin sa baha ang ilang mga lugar sa bansa bunsod ng pinagsamang epekto ng Southwest Monsoon, bagyong Butchoy at Carina.
Sa datos ng National Disaster Risk Reduction and Management Council, karamihan sa mga bahang lugar hanggang sa ngayon o 61 flooded areas ay matatagpuan sa Region 3 o Central Luzon, mayruon ding mangilan ngilang pagbaha na naitala sa BARMM, CAR at Region 10.
Samantala, sa ulat pa ng NDRRMC, 21 mga kalsada at 6 na tulay ang hindi parin madaraanan ng mga motorista dahil sa pagkasira.
Karamihan sa mga ito ay mula sa Region 2, CAR, Region 3 at CALABARZON.
