Hinimok ng SSS ang aabot sa 514 na miyembro sa ilalim ng sangay ng Sorsogon na i-claim ang kanilang Unified Multi-Purpose Identification (UMID) cards hanggang Disyembre 29.
Ayon sa pamunuan ng SSS, ang mga hindi na-claim na UMID card ay sumasaklaw sa panahon ng Agosto 2017 hanggang Disyembre 2020.
Mula noong Pebrero ng taong ito, ang SSS ay huminto sa pagtanggap ng mga aplikasyon para sa mga regular na UMID card ngunit kasalukuyang nag-aalok ng UMID ATM Pay Card ng eksklusibo sa mga miyembro ng SSS na maaaring mayroon nang mga UMID card o nakabinbing aplikasyon ng UMID card.
Ayon pa sa nasabing ahensya, ang mga hindi pa ma-claim na cards matapos ang deadline ay ibabalik sa kanilang central office at itatapon batay sa kanilang patakaran sa ‘retention policy.’
